موال الأخبار

بخيت بيومي
1/10/2018 7:43:28 PM  
 2346 

مع السلامة يا شهر البرد والسقعة والكحة مع ألف سلامة يا شهر كياك
اشمعني يعني السنادي جاي شادد حيلك ع الغلابة هيا يعني البلد كانت نقصاك
شوربة العدس واللحمة اللي كانوا بيدفوا بدن الفقير خلّوه م الغلا نط من الشباك
تبقي انت وشوربة العدس والحكومة علينا كفر الغلابة زعلانة منك ومش عايزاك
كفايا بردك اللي لسوعنا وحرك مواجعنا استني أحسن أجيب البطانية وأجري وراك
طوبة جاية ومعاها برد العجوزة أمانة تاخد بردك وكحتك وسقعتك وياك


الكلمات المتعلقة

شكاوى الأخبار